السلام عليكم ورحمة الله وبركاته ..
اهدي لكم هذه القصيدة .. واللتي طلبت مني كثيراً ..
وحرصت على عدم نشرها .. ولكن كتبت بعض ابياتها .. مذيلة .. بأسماءٍ لا تذكر ..!
ويسرني تلبية طلب من طلبوها .. بكتابة بعض ابياتهاا ..
متمنيا ً ان تحوز على رضاكم .. وإعجابكم ..
.
طلبتك يالولي عطفك .. برحمة قلبي الموجوع = سبب خل ٍ نقشت اسمه .. ذهب في صفحة اكتابي
طلبني للفراق .. وجيت كلي من سماي اخضوع = بعد ما وضح اسبابه .. تصاغرت اعظم اسبابي
دفنت الحزن ...في قلبي سنة .. بالضبط زود اسبوع = وشاف الحزن .. ( خالد ) .. بالعيون وباقي اصحابي
سألني .. ليه عينك يالسنافي ..تستثير ادموع = وسألني .. ليه فضلت السفر عن سكة احبابي
اطالع في عيونه .. وابتسم .. ما تعرف الموضوع = ألا وينك عن اللي صابني ..ياصفوة اقرابي
صباح السبت .. وصلتني رسالة منها .. مفزوع = تقول الحق حبيبك .. موضعه .. مابين الأطبابي
طواني الهم .. يوم السبت كله والهموم اتلوع = وثالث يوم .. قررت الحضور .. بجملة اتعابي
تجهز يا هجر موسى .. نوينا للديار اقطوع = يمين الشامخ .. الشامخ ..طلبتك كانك اذيابي
وصلنا الدار .. والقلب المشقى ..تشتكيه اضلوع = ورحت اسأل عنه .. مشتاق للقياء .. ومرتابي
لقيته في سرير ابيض .. عرفته بأسمه المطبوع =وضح فيه التعب .. والحزن .. الأغبر وسط الأهدابي
سألته ..كيف حاله .. والمرض كيفه .. من اية نوع ؟ = وحصلت الجواب بنظرته .. والصوت منصابي
رحلت اشيل همه ..والرجاء في شوفته ممنوع = خصوصا ً .. لا حكم فيه الزمن .. واقفى عن اترابي
اطالع بالسماء .. وادعي عسى الله يشفي الموجوع = واتابع بأتصالاتي .. عساه من المرض طابي
بعد ماني تطمنت ... وتطمن خافق ٍ مجزوع = رساله منه .. وصلت بالرسايل .. حازت اعجابي
وشفت الحب ثابت بالصميم .. وقلت له مخلوع = ولكن خوتي بالعمر .. تبقى رغم الأصعابي
وعلى حسب اعتقادي .. مابقى لي في هواك اطموع = ولو زاد الجمال .. ورقته .. والصوت جذابي
طلبتك .. لا تردي .. واستمري في قسو اطبوع = وأمانه.. لا يخوفّك الزمن .. لو طول اغيابي
وأمانه .. وكلي ربك .. وزيدي للولي اركوع = وشوفي عمرك الباقي .. على سجاد واحجابي
ولاتنسي .. طلبتيني .. وشبيت العروق اشموع = ولبيت الطلب .. ما قلت لك لو كلمة اعتابي
وأنا .. بأشوف عمري والطريق الواسع المزروع = ولا يخلفك شكك .. لا رحلت لدار الاجنابي
ترى عندي الخيانة .. في هواكم .. مثل حب الكوع = ولا ليلة على غيرك .. قضيت مكشر انيابي
وبأمان الله نوادعكم .. مدام ٍ الضبوع اضبوع = اذا قلت لك بأنسى .. حبكم ..مليون كذابي
وعلى ذاك الوفاء ..فعلاُ .. خذا قلبي ثلاث ادروع = وسجل قصته .. نبع القصيد .. بقاف ماشابي
تمثل بالصبر يا خافقي لين انهي الموضوع = واذا انهيته .. تفجر يالخفوق .. وخلك ارهابي