السلام عليكم اما هذه القصيده فهي عباره عن قصيدتين في بحرين مختلفين
والثانيه مكمله للاولى وارجو منكم قراءة القصيدتين لاتشطفون الثانيه هههههه
والقصيدتين اهديهن للصاحب الغالي ابو حسين الشمري بس عساه يرضا
انطره يلفيني وهو ينطر الفيه = والحال حالت دون حل الجدالي
بالله ياهل العرف وشحيلتي فيه = وشحيلتي باللي شقا اليوم حالي
للعلم يغليني وانا حيل مغليه = وللعلم حبه فوق حد الخيالي
لاغاب عني انشد الربع وشفيه = ولاغبت انا ينشد وش اللي جرالي
مدري تغلي مدري انه مشاريه = مدري زعل مدري غدا مايبالي
الصاحب اللي صد لابد اعابيه = والفيه انا دام الخوي مالفالي
ياصاحبي لاتقهر القلب وتاذيه = ياحيف طبعك وانت صدرك شمالي
الا يا مشقين حالك ابحالك خلك الحالك = كفيل الوقت في لحظـه عـيونـك مايهنيـها
كفيل الوقت يبلا حالتك ويغير احوالك = ترا وان دارت الايـام لا تـامن ليــاليـها
قم بس قم مثل ماقالها قايل على امثالك = وسـقها يارفيق الـدرب حيثـك ماتـدانيـها
عليم الله لو تاخذني الذكرا على جالك = أفز لصـورتك ياخي بحــاضـرها وماضـيـها
تذكر يوم كنا نأمل الحاضر على ذلك = أخوّه وهي صداقه وهي موده وحب نقضيها
تقهوا يابعد حالي وابد لا ينشغل بالك = تعال اقدع لذيذ الكيـف وكيّف لذتـك فيـها
هكالساعه اغرك غر ولو هزيت فنجالك = يالو تقـول عني معزبـن كـم رايحـن فيـها
ابيك امروقن بالك واريد السعد من فالك = وحـالـك يارفـيـق الروح لا لا لا تعـنـيـها
واذا مال الزمن مالك يكود اتميل عقالك = وحـاذر يابـعــد حيي همـومك لا تراكـيـها