[الرحّـــال]

يسعد مساهم،،

.

.

تكمل بعينك..لو صمتَّ القصيدة=هنيّ حرفٍ صافح العين عن قصد!

.

.

مامر بك يوم أدبر الظل واعصير=الجو غايم..والذعاذيع من غرب
طارٍ..وحرّك نبضة القلب بالخير=مدّيت كفّك مدّةٍ تطلب الشرب
كنّك تحسس فوق الأوراق تعبير=مكتوب قبلك..والقلم يتني الدرب!
والعين من وجد الغلا تنهب الطير=تلاوي الجنحان.. نظرة لها سِرب!
لحظة..يناديك الهوى..تتبع السير=غصبٍ على عقلك..ولاتفهم الحرب!
يرحم عنادك..وينه أمسى ..ولا ذير=والشوق يرسم فكرة البعد والقرب!
تكبر هنا..لكن على خاطر الغير=كنّك فهمت..ولا فهمت أقرب الغرب!
واللي جعل لذّة لسانك محاذير=عندي..ترى ما يفجر الذرب بالذرب!
بس أنت..وش جابك على بالي اعصير؟=والجو غايم..والذعاذيع من غرب!!

...

أبقصر الممود وأنتي تقولين=هاها قصرت اللي يمدّونه الناس!
والقلب تغشاه ابتسامة إلى حين=وأرجع أصحح ..والعتب منك نوماس!

.

.

!