يا راحلي .. /
في ذيك الليلة
خذتني من يدي
زرت معك فوانيس الحياة
ودقت نواقيس
شوقك في صومعة قلبي
تعلن لقلبك مولد هواه
تشع بنور شوفك وغلاه
قلت لي
اتشوفين ذاك النجم ؟
والله
انتي عندي مثل نوره وبهاه
وحبك
حبك
من عندي يقدر يوصل مستواه ؟
وأنا من غلاك
وفرحتي بوصفك
تحجرت عيني تناظر للعالي
هناك وداني وخلاني طرفك
ومرت سنيني
والناس راحت
ومدينتي جو غيري
واسكنوها
و ( شيخة ) /
أبدا ما دوروها
ولا افقدوها / !!
مرت سنين
وانا بعدني متعلقة عيني
بنجمة غلاك
اتريا وصلك
لمسة كفك
في بردي أتلمس دفاك
وياويلي يا غالي
اثرك حتى انته عني
سرت بعيد
ولا ذكرتني
حتى بعيدية العيد
راحوا الناس وخلو الأماني
ونسيتني انته
وانا
مثل
ما أنا
أناظر نجمتي
واردد حكايتي
طفلة غلا
كسروها مرايتي / !!!