اذكرني .. /
لي عانقت نظراتك قمر
ونور نجمة
ما غاب وسهر
اذكرني
لي طافت بك الذكرى
ونور الفجر على خد قلبك جرى
اذكرني
مع طفل حب
وجنين اعهود
في يوم الوفا مولود
اذكر اللي كان واذكرني
قلت لي في ليلة :
خليني صديق
يقصر معه وان طال الطريق
هو أنت مادريت
انك من زماني الماضي جيت .. /
وانك في خافقي
لك قصر ومليون بيت ؟
مثل نسمة فجر
شقائق نعمان خلفها المطر
خليني صديق !!
سند وان كشرت سود الايام
وعين وفا
عن قلبها ماتنام
ليتك تدري
إني ودعت الأحلام بدري
والوفا ماعاد هو الوفا !!
وما عاد نومي هو ذاك الغفى
ظنك
نقدر نعيد العمر ؟
ونلقى في سواد الليالي
قمر / ؟
نحاول
يمكن نمسح خطوط القهر
ونعيد من الماضي
موات الصور
رسالة / له وحده .
غفى الشارع
ونامت قناديله
ومن بعيد
رأيت راحل يلوح بمنديله
كان
قلبي
لك أعلن رحيله !