[( حايره )]

صف لنا طفولتك بجملة واحدة ؟؟
براءة وراحة بال

ما هو اجمل موقف او اجمل ذكرى تتذكرها من طفولتك ؟؟
في صغري كنت دائماً ألعب مع العيال وعامله نفسي ( فتوّة الحاره )
وكان جارنا يبني بيته وفي ذاك اليوم كانوا عاملين الأساسات والصبه
المهم جيت أنا والفريق اللي معي وخرّبنا كل شي وصبينا الموويه على الأسمنت
وهو مابعد يجف يعني المسكين لازم يعيد البناء من جديد وأتصل على الشرطه
وصارت تلاحقنا بالشوارع

المشكله كل ذكرياتي فيها مشاغبه وفيها لقافه وفيها شطانه بس كانت أيام لذيذه
وأهلي ماكانوا متعودين على أنه الجيران يجيون يشتكون من عيالهم
لكن على أيامي ياحرام أبوي المسكين كثير اللي جوه يشتكون

ما هو أصعب أو أحزن موقف مر عليك في طفولتك ؟؟
زواج أختي الكبيره ... كنت متعلّقه فيها بشكل كبير وكانت هي أمي الثانيه
في زواجها الناس ترقص وفرحانه وأنا أبكييييييي :D وأبكي بصراخ ومش مستجيبه
لأي محاولات من التهدئه وإلاّ حتى الهدنه ههههههههههه

فيه موقف ثاني صراحة إلى الآن في بالي وهو أنه في هوشه من هوشاتي الكثيره
كنت راح أذبح واحد من عيال الحاره .. الولد هذا كان يطق أخوي وهو طالع من المدرسه
وأخوي مسالم إلى أبعد درجه .. المهم في مرّه شفت الولد هذا بالشارع وهو أكبر منّي
المهم مسكته وكلمه منه على لكمه منّي ماحسيت بنفسي إلاّ وأنا خانقته بكل قوّتي
وعيونه صارت قدامه بكم كيلو متر هههههه
وأحمد الله أن أخوي وبعض أصحابه كانوا جايين وأنقذوا الولد من يدي


ما هي أجمل هدية تلقيتها في طفولتك ولم تنساها لليوم ؟؟
في طفولتنا كل شي نتلقاه كفيل بإدخال السعادة إلى قلوبنا
وصراحة ما أنسى الهدايا اللي كنت آخذها بعد كل تفوق في المدرسه


هل هناك انسان معين كرهته في طفولتك .. ولماذا ؟؟
صراحة بس ماتضحكون عليّ .. في طفولتي كنت أكره ( أزواج خواتي ) تعرفون ليه ؟؟
كنت أقول ليه ياخذون خواتي من عندنا ههههه وجيرانا بنتهم تطلقت ورجعت تعيش معهم
وماكنت أعرف وش معنى طلاق بس صرت كل يوم أدعي ربي ان خواتي يتطلقون عشان
يرجعون للبيت ههههههههه

كمان فيه مديرة المدرسه في المرحله الإبتدائية كانت راح تسبب ليّ عقده
من الدراسه هههههههههههه

كلنا انطقينا اكيد
ولكن ما هي اصعب مرة انطقيت فيها ولا زالت محفورة
في ذاكرتك وسبب الطق شنو كان ؟؟
هي موقفين اللي أنطقيت فيها
الأول / من أخوي الكبير لإنه في يوم أسود سوّلت ليّ نفسي أنه ( أسرق السياره )
وفعلاً سرقتها و فتحت السياره جلست أتعبث فيها أقدّم السيت عشان رجولي تطول البنزين
وصل الخبر لأخوي ماكذب خبر على طول عطاني كف عن ضرب سنه كامله ههههههههههه
وبعد على شينه قواة عينه أقوله مابعد سقت السياره خخخخخ
يعني ناويه أسوق ماعندي أي مشكله ههههههههه

الموقف الثاني / لما دخلت أول إبتدائي كنت صغيره كثير
وقفنا في الطابور ومديرتنا على أيام المديرات المصريات ( الله يذكرهم بالخير )
المهم كانت تسأل كل طالبه عن أسمها الكامل .. وصل الدور عندي
أنا من طلعت على الدنيا وجداني كلهم ميتين ( الله يرحمهم ) يعني ماكنت أعرف أنه عندي جد
قلت أسمي وأسم أبوي والعائله الكريمه قالت : أسم جدك
قلت لها : ماعندي جد .. الكلمه هذي كانت آخر شي أذكره في غضمة عين
لقيت نفسي لاصقه بالجدار اللي قدامي .. مع أنه كنت أشوف أن الجدار بعييييد عنّي
بس سبحان الله بقدرة قادر وبحركه خطافيه من المديره وصل الجدار عند وجهي ههههههه
والله ياهي أعطتني ضربه على ظهري ومن يومها حرّمت أرجع للمدرسه
جلست في بيت أهلي سنه عشان أعرف أسم جدي بعدها رجعت للمدرسه
وصرت من المتفوقين

بصراحة منو كنت تحب اكثر بطفولتك.. امك والا ابوك ؟؟
والله كلهم لهم نفس المحبه
بس أنا من عمري ( دلوعة أبوي ) الله يرحمه كان الحياه بالنسبه ليّ

هل كنت غيور بطفولتك من اخوانك وتحس فيه تمييز بينك وبينهم ؟؟
عن نفسي والله كنت ماخذه حقي وزياده .. يمكن اخواني وخواتي
الأكبر والأصغر منّي هم اللي يحسون بالغيره لإني كنت ماخذه الجو عنهم
ههههههههههههه


شنو كانت اكثر وافضل لعبة تلعبها وانت صغير ؟؟
صراحة كنت أحب ( السيكل ) مابقى نوع من السياكل ماشريته
لكن لعبة البنات ( حريم وبيوت ) هذي ما أطيقها وإذا لعبوها خواتي وبنات عمي
لازم أخّرب عليهم هههههههههههههه


هل ستربي اولادك بنفس الطريقة التي تربيت بها في طفولتك؟
يمكن أعطيهم من طفولتي ( البراءه ) والحب


حالمه
لو أكتب كل شي بطفولتي صدقيني
راح أحتاج مجلّدات عشان تكفي حروفي

ألف شكر غاليتي
وأعتذر على الإطاله
بس الموضوع أثار الكثير مما في النفس لأجمل الأيام