سلام عليكم ورحمة الله وبركاته
صباح الخير
اقدم هذه المتواظعه بين ايديكم واتمنى ان تنال اعجابكم
فديت العين والمبسم فديت خدودك الرمان = فديت العنق يا اجمل فتاه تشوفها عيوني
فديت الطول والوقفه فديت الرمش والحجان = فديت الخصله الشقراء تزايد عقبها جنوني
فديت الخشم والشفه زلال(ن) يروي العطشان = فديت اسنونها الولو ثمان اتبيح مكنوني
فديت الكف والحناء فديت الصدر والذرعان = فديت الارض لاوطيت علاها اقدام مظنوني
فديت الخصر لا قامت تمايل مثل عود البان = فديت الزول لا قفت ترا با اطيح شيلوني
وانا ودي يطول الوصف لا كن تاقف القيفان = توقف حايره خوفي على مثله تحسدوني
عساني منحرم منها على طول الزمن خلان = عسى عمري فداء عينك (عهود) انتي ترا كوني
احبك ليه ما احبك وانا الي صرت بك هيمان = تراك انتي وسط قلبي وطيفك دايمن دوني
تعالي واقربي مني وخليها تصير احظان = تعالي واقربي يابنت انا بردان دفوني
ابي اعيش في قربك مدامك للحسن عنوان = طفل وانتي تربيني واقول ارجوك سموني
يجي اسمي بمنطقها موسيقى ما عزفها انسان = ولامن قالت احبك تبعثرني ولموني
وان كلي تحت امره عساه ينولني رظوان = ولو انه يبي موتي بجهز لجله كفوني
ابيع العمر من شانه ابيع الارض والاوطان = على شانه جميع الكون ابيعه لا تلوموني
وانا لجلك يبو مفلح برتب باقي الاوزان = برتبها على شانك طلبت الرقم ياعوني
رساله خطها شاعر رساله من حشاء ولهان = رساله خطها شاعر مقدمها لمفتوني
اتمنى ان تحوز على اعجابكم ولو القليل
وسلامت نواظركم
ولكم خالص التقدير
( صقار )