ياطفل ياللي جيت من عرض الاطفال = فيك البراءه ياطفل محترمها
ياطفل الك عنـدي مكانـه ومنـزال = شوفك يخفف من جروحي ولمها
ياطفل سلملي علـى لابـس الشـال = امنً تحضنك وتغشاك بنسمها
ياطفـل حبـه داخـل القلـب لازال = احبها من راسها لقد مها
ياطفل كانـت وردةٍ تطـرب البـال = واليوم ابوك الله يشيله ظلمها
ليا جت تخطى فرق عن كل الازوال = وحتى الكلام يزين من نطق فمها
كم ينحني من شوفهـا راس رجـال = تحنى القلوب لن ربي عصمها
ياطفل منهـا منبـري منـي الحـال = وعيني من مشاهد اعيونه حرمها
ماهوب منها مـن مقاريـد وانـذال = لوهو بكيفه فرصته يغتنمها
ياطفـل خلـك للمحبيـن مـرسـال = واخذ الرساله ياطفل واحتشمها
بالله سلمها ليـا جيـت فـى الحـال = وعطه الرساله فى يده وان لزمها
قله صدفني كنت من ضمن الاطفـال = وسلم علي وعبرته مالزمها .....