متواضعه وعسا ان تحوز على بعض من رضاكم
البارحه جتنـي هواجيـس وافكـار=واخذت اهوجس عقب ذيك الطواري
شيٍ طرالـى ووادع القلـب يحتـار=قصه غريبه مـا ادخلتـه الهـذاري
على هنوفٍ جعل تفداهـا الاشعـار=قصايدٍ ما جادهـا شخـص غـاري
قبل القطاعه بينـا علـوم واسـرار=اسهر لو ماني على السهر ضـاري
تحلا سواليفه علـى نـور الاقمـار=لامـن هرجلـه سالفـه قلـت داري
عليك دمع العين يـا شـوق حـدار=لاغبت عني كن وضعـي اطـراري
الله واكبر مـن تصاريـف الأقـدار=لا قربتنـا وابـعـدت بالمـسـاري
صار الفراق محول الـدرب ليسـار=وابعـت عنـي ولاهـذاك اختيـاري
قلبي علي شانك واطي درب الاخطار=يسـوق نفسـه قاطـعٍ وانتـحـاري
لاشك ما جتنا علـى كيـف ماصـار=سود الليالـى مخلـف كـل طـاري
واصبحت في همي ومن كثير الأفكار=اسهر ولو ماني على السهر ضـاري