بسم الله الرحمن الرحيم
:
.
افهقي هالليل بشويش عن نور الصباح
واغرقي بدموع الافراح وجنات الاسى
واسقي الاحزان بيديك كيسان الذحاح
واعزفي ترنيمة الحان بلحون المسا
وزخرفي عنق الفرايد وسويله وشاح
ياقصيدة عشق تفكير شاعرها نسى
كل من حوله .سبح وسط بحر الانشراح
مركبه في ساحل الحزن من حزنك رسا
لايكلّ ولايملّ ولاعن الرغبات شاح
فاح جرحه واسترقله من انفاسه قسا
يوم علواّ صار للياس نزوه واجتياح
مشجب الممكن معلق على هقوة عسا
اسفهل ياخاطر الآه وابشر بالفلاح
المحال تصدق الوجه هذا يعبسا
أيه وازهي نشوة الذات تيجان النجاح
لين شيطان الغباوه لسانه يخرسا
ياشرف ماصار له فيك برهة مستراح
حافظك من حلم (ابورغال) تكتيك احرسا
كم شهاب(ن) في دجى الليل فوق بليس طاح
نوره الفضاح عرى الرجال مع النسا
ياقصيده اعذريني وعذرك لي سماح
عن قصور لسان قاموس نبع الاطلسا