يراودني صدى صوت الضمير وحشرجة ضمئان=وتتراكم على قلبي هموم الكون واحزانه
يراودني عشق طيفك وقسوة قلبك السجان=عشق بعدك وتعذيبك باشكاله والوانه
احبك . اكرهك. ابغيك. كذا ولا كذا خسران=ولاجلك ينكسر قلبي يقبل ايد سجانه
انا اول من سكن قلبك وشيد من غلاك اوطان=وانا اصدق من عرف قلبك وخابر كل جدرانه
الا مني تغربتك وصرت الاسم والعنوان=حرام الحب في غيرك واعيش بنقس عنوانه
برغم البعد والقسوه وشوق يذبح الوجدان=علشانك ابتحمل عذاب البعد واحزانه
وخوفي من كثر بعدك يموت بداخلي انسان=وتحرق داخلي دمعة غياب ونفس ولهانه
تعب نور القمر ينطر تجيني واللقاء ماحان=على فرقا محبتنا تغيب الشمس حزنانه
يخاف الليل من بعدك ونجمك للاسف مابان=ترى حتى طلوع الفجر تسئل عنك بيبانه
وسور السالفه واقف يناجي كثرة الاحزان=يغني للوجع والبعد والاحزان يادانه
هنا ياسالفة عمري بداية حبنا الولهان=هنا قلتي انا بواقع ولا كنت حلمانه
هنا شفتك وحبيتك وحبك باقي للان=وحبك ساكن بقلبي ويجري وسط شريانه
اجل يازهرة الموسم وزهرة حبنا الفتان=وريح العطر والعنبر ونوع الورد والوانه
يادمعة خد احساسي ياانتي يااعذب الخلان=لبسني ثوب احساسك والبسني باكفانه
احبك ايه انا حبك ولجلك اشتعل نيران=عساني احترق يمك ولا تقولين بردانه
فداك الروح ياروحي وقلب العاشق الهيمان=لعينك بسهر ايامي ولا تباتين سهرانه
فداك الحب ياحبي وقلبي لجل عينك هان=فداء حمر الشفاه اللي تزاعلنا على شانه
تحني من وفاء قلبي وحطي حمرة الاوجان=وحطيني على شفاتك واروي شفاه عطشانه
وعودي لاصدى صوت الضمير وحشرجة ضمئان=عسى قصه كتبناها شفا للقلب واحزانه
فيصل المريسي