.
ياعيوني عيوني عن خطاك معصوبه = مخلصٍ لك بحبي والليالي عصيبه
ليه ماترحم اللي منك يمك هروبه = ومن عذابك لذيذ النوم مايهتني به
بعدك اكبر عذاب وقربك اعذب عذوبه = ووصلك اكبر نعيم وصدك اكبر مصيبه
وصمتك اعظم عقاب .. وهمسك اجزل مثوبه = وانت طب الجروح المبطيه والعطيبه
سقت جيش العتب لاشك واجه صعوبه = وانسحب من ميادينك كتيبه كتيبه
تدري ان المحبه ياحبيبي عقوبه = وادري ان المحبه طوع ماهي غصيبه
وادري الدقايق والعمار محسوبه = حسبي الله على حظي وربي حسيبه