[جورج الشوملي]

يوميات شحاد

بشحد ببلاش

طول يومه

كعب داير وما بهداش

أنت بسيط

متعود ومحترف التبسيط

وما نسيت أنو بيوم نمت عالرصيف

أنت بتهرب مثل الفار

ومثل البسه جبان

وكل ما بجيب سيرة القط

بيجي بسرعة إينط

أنت مسكين

بتجاوب على كل س

وبترجف لما تحكي جواب الجيم

أنت لحالك

وما بيحلالك

إلا السمر

على ضو القمر

وبتفصفص بزر

وبتقرى مجله

وتسمع راديو

يا ليل يا عين

محلى طلتك يا زين

وبتتمايل على صوت المذيعه

وبهز راسي عالميلين

وكل ما حكت كلمه

يا سلام كلامك جوهره

ما بينتسى

صوتها الناعم خيلني

بين صوت المزمار وخيالي

وصار عقلي

بسافر بيجي وبودي

ويا سلام على نغمات الخواطر

وتحضر حفلة غجر

وتنسى أنك من حثالة المجتمع

ولا عبالك

شو الحياه أمخبيتلك

أنت جوعان

أنت عطشان

بتترجى هان وهان

بتلحقها قبل ما تروي

طينة الأرض تروي ثمي

ويا حرام

شو بسير بالمدام

والناس والجيران

يوم بغلى الخبز

يوم بغلى اللحمه

يوم بغلى الجاج

ويوم بغلى الغاز

صرنا لعبه

بين محددين الأسعار

أرحموى الوطن

يا أنذال

يا ويلاه

يا ويلاه

الدنيا غلا

وأنا بأعماقي بغلي

بستنى الفرج عالفاضي

بكتم بأعماقي

و بخرس مرتي

لا تتمحني

بوجهي

لا تتمحني

إنقلعي أعملي

كاست شاي مغلي

ويوم مديون

واليوم الثاني مديون

وبعدين مع الديون

ومش عارف أعيش حالي

ولا مرتي ولا أولادي

شو بدي أعمل يا ربي

طلقت مرتي

وأتاري زادة همومي بزياده

بدور كالحيوان الأليف

على لقمة أرغيف

بين زويا الحارات

وعجقة الرصيف

وعايش

آه يا دنيا عايش

وعايش من قهرك مطنش

أتعودنا على أمل التطنيش

اليوم الأول مقهور

اليوم الثاني مشاكلك أدوم

اليوم الثالث أنك منبوذ منبوذ

أنت عايش مع العايشين

سكران مع السكرانين

وفرحان مع الفرحانين

وحزين مع المأساويين

ويلا أمشي بين الروس

وقول يا قطاعين الروس

أقطع الحبيب ولا الزبيب

وأقطع راس كل مدعوس

آمين يا رب العالمين

وأصبحت أمشي

حافي القدمين أمشي

كالمجنون والمعتوه أمشي

بلا وعي أقول

للاه يا محسنين

يا واهب العقل والدين

أنعم علينا بفضل عبادك

المخلصين بمال وفير

يغطي على أقل معيشتي

فأنا بقاع الحضيض

ولا حدا سئل فيه

يا حول الله

على هيك حياه

أشد من العلقم بمره

وما في بإيدي حيله

غير جملة إن شاء الله

خير إن شاء الله.