[فهد الماجدي]

\\

\

زايد الرويس



.
الليل سيّل ظلامه في شوارعنا

يوم السحاب امطر دموعه .. وغنينا



وشلون الامطار يوم تطيح توجعنا

ما كنّها الا خناجر تطعن يدينا



لا صارت ايامنا ( معنا ) بلا ( معنى )

تمشي بنا وين ما تبغى تودينا !!



يمكنها لــ أمس من بكره ترجـّعنا

وتضحك لنا كثر ما كانت تبكيّنا



ويمكنها لا شكينا الظلم تسمعنا

وتاخذ بعض من حلاوتها وتعطينا



يا ليتنا يا حبيبي ما توادعنا

في ليلةٍ غرّبتنا عن موانينا



كل ما تقدّم خطاوينا تراجعنا

إلين ضعنا وضيّعنا خطاوينا



وقلوبنا معلـّقة فـــ اخر شوارعنا

تبكي وحنا بدون الحان غنيّنا !!







فهد الماجدي



الليل موحـش وهوجـاسه يروّعـنا
...والناس ماترحم اللي ذارفه عينا


هاجـرت زادي وعافتنا مظاجعـنا
...واصحابـنا قطع والاقراب قطعـينا


واحبابنا اللي قبل شوقه يذعذعنا
...ارسى على الهجر واركاله على مينا


ياليـته اللي شبكنا هو يرجعنـا
...لكـنه اللي شبكنا من مواليـنا!!


واشوف انا الهجر وامواته يجزعنا
...كن حفرت الموت واحواضه تمنيينا!!


هذ1 زمانين يازايد تخالعنا
... مادري كثير البطى خلاه ناسينا


غنيت بالدوح واشجينا مدامعنا
...والناس ماترحم اللي ذارفه عينا


\\

\