مساءكم ورد
وتبقى الحروف النابضه.. جسراً للتواصل بيننا
ودي بغلا ماسطروه بدواوين=غلا أماري به على روس الاشهاد
غلا ماهو باللي من الحين للحين=اللي تهزه هبة رياح الابعاد
أبيه مستوعب دروس المحبين=وأبيه في بحرٍ من الشوق وقاد
ودي بغرامٍ يحضنه محجر العين=يكون لي عونٍ على الضيم وسناد
أبيه صادق ماعطى القلب ثنتين=ماهو بعشاقٍ ورا الزين ينقاد
أبي يمد الوصل مابيننا البين=كلما احتريته جاني من غير ميعاد
أبيه لامنه وعد يوفي الدين=مايبني الكلمه على قول حساد
ودي بغلا ماضمنوه الدواوين=غلا أماري به على روس الاشهاد
إنكسارات النخيل