خذها عهد مني ليا من شفتني قلت
"يحرم على نفسي من الرجاجيل غيرك"
و عطني وعد منك و عاهدني .. لا هنت
"بإني أمثل في حياتك .. مصيرك "
يا اللي ودعت القلب عندي و سلمت
لا تظن إني ف يوم راح استثيرك
بشي(ن)يكدر خاطرك يا بعدي أنت
أو أزعلك ما دمت وحدي ضنينك
يا سيد الإحساس .. منك تعلمت
بإن الهوى عنده عزايم تعينك
على جروح القلب لا من تألمت
من حكي عذال(ن) غدو حاسدينك
و إن الهوى يفضح .. و لو ما تكلمت
يفضح سواليفه في نظرات عينك
كذا الهوى لا دش قلبك .. "تمشكلت"
خلاك ضايع وسط زحمة حنينك
قطيرة ندى