(( صــــــــــــــهـــــــوة الخـــــــــــــــــــيل))
ماعاديغريني القمرفـي دجـا ليـل
لاصارت الفرحه تجـي بالطلايـب
من غاب عني دنيتـي كلهـا ويـل
راحت حياتي مع هبـوب الهبايـب
يزورني طيفـه وعبراتـي تسيـل
ماكنت احسب البعد يشعـل لهايـب
ليته تعـوذ ماطـرى هـدة الحيـل
ليته حشمني يوم أسـوق الركايـب
ياليل ما تنفع نجومـك ولا سهيـل
دربه ضيـاع وليتـه يـرد تايـب
ويا بحر لاتلطم بموجـك غرابيـل
أدري بوقتي ما يجيـب السحايـب
جيتك وأنـا طفلـه يبكينـي الليـل
لامن غشا جوي ظلامـه صعايـب
ورفعت راسي مايهزه لـو الويـل
ماتهمني الدنيـا ولا أهـاب هايـب
حنا هلا الطولات يفخر بنا الجيـل
حنـا بنـات البـدو محنـا لعايـب
حنا شموخ (ن) يمتطي صهوة الخيل
لا جارت الدنيا لـو الحـظ خايـب
أسير دربي عارفه شبر(ن) وميـل
ما أصد هارب لو أشوف العجايـب
صحيح أبكي وعبرتي دايـم تسيـل
لا شفت كوني مبتـدي بالخرايـب
لكن طموحي ينبت الأرض بالسيـل
وأبدابصلاتـي وأدعـي الله تايـب
جيتك وأنـا طفلـه يبكينـي الليـل
رحلت خشمي فوق راس السحايب
تـــحـــيـــاتـــي000
الـــــعـــــــــــــــــــــــنـــــود