على ذكرى الجروح اللي تسمي بالزمان جروح
نشيب ولانطيب ولا لهـا سلـوان ومـداوي
حبيبي والزمان اللـي يعذبنـا بـلا مصلـوح
تساهلت الصعيـب وكشـرت دنيـاك للهاوي
حبيبي والزمان اللي جعل صوت الوله مبحوح
أنا والياس بـدروب طويلـه ليلهـا ضـاوي
مجاريح الزمان اللي هقاويها سـراب يفـوح
على صحرا السنين اللي تنزح ذبيها العـاوي
قريت أقصى حدود الليل والمسرى بروق تلوح
تجهمت الطريق وملتقى الدربيـن متسـاوي
توهمت المسافة والهقـاوي بابهـا مفتـوح
تباطيت الصباح وجيت لك في شيمة فـداوي
على صدر السنين الماضيه واللي تجي وتروح
تموت أحلامنا ياللي تـرد الشـور وتـراوي
على موت الظنون اللي تناشد دمعها مسفـوح
صفا ذهن الهجوس ولا لفابك هاجس غـاوي
حبيبي ماهقيت ان الليالـي بالظنـون تبـوح
بسيطه واعتبرني في زمانك ضيف ومخـاوي
مثل ماللجبل هيبه وله قمـه وظـل سفـوح
هوانـا ماتطولـه كلمـه الحسـاد والـراوي
للشاعر/سلطان بن عشق ال مسعود القحطاني