منتديات منابع الأدبية - عرض مشاركة واحدة - مَمنوعٌ مِنَ الدُّخولْ // مِنطَقَةٌ آمِنَةْ !!!

يَـ الخُبر ..
آه بس لو تعرفين
كمـ من جروحـ (ن) فتحتي
و كمـ من أوجاعـ (ن) غرستي
بقلب إنسانـ (ن) حزين

يَـ الخُبر ..
جيت عنوه
و جيت لج كنّي بغفوة
عل عنّي تخفّفين
هم عمري
و الحزن ..
اللي سكن بي من سنين ..

:

تذكرين !!
يوم ألتقي به
و ابتعد كل ما منّي قرّب .. كنّي غريبه
و ما آعرفه
و آتضايق لا منّه أقفا ..
تذكرين !!

و تذكرين اللي يصير ؟!
من شقاوة ؟!!

ما تغيّر فيه شي
نفس النّقاوة
و الحنين اللي بـ عيونه لي هو نفس الحنين

ما تغيّر ..

و اللي بـ عيوني له يبين ..

قدره عندي صار أكبر
و صار قلبي يعشقه أكثر .. و أكثر

هذا حالي مُنذُ حينْ ..

مُنذُ أَنْ صادَفتَهُ
قالَ لي : نُوّيرَتي .. لا لا تَخافي
وأ أجيبي .. بَعدَ أَنْ لي تُنصِتينْ ..

اعشَقيني
وَ خُذيني مِزنَةً
مِنْ عِندِ رَبّ العالَمينْ
غَيمَةً أَبقى رَحيمَة
أُبعِدُ الشّمسَ اللّئيمَة
وَ أهلّ الماءَ فوقكِـ .. قَبلَ أَنْ تَضمي
وَ قبلَ تعطشينْ

فَـ أَجيبي الآنَ هيّا
دونَ خوفٍ .. دونَ رَهبَه
أَخبِريني الرّدَّ هَلْ بي تَقبَلينْ ؟!

وَ صمتتُ دونَ ردٍ ..
فَـ أَعادَ القَولَ : هَل بي تَقبَلينْ ؟!

حينَها أَخرَجتُ صوتي : كيفَ تَسأَلْ ..
ان كُنتُ اقبَلْ
أَنتَ في قَلبي " الوَتين "

:

و مُنذُ حينْ .. هذا حالي
قدره عندي صار أكبر ..
و صار قلبي يعشقه أكثر .. و أكثر
و اللي فـ عيوني له يبين

و قبل ما ارحل يا الخبر ..
جاوبي
لا تسكتين ..
كمـ من جروحـ (ن) فتحتي ؟!!
و كمـ من آلامـ (ن) غرستي ؟!!
و كمـ من أحلامـ (ن) ذبحتي ؟!!
بقلب إنسانـ (ن) حزين ..

كل هذا و مَـ اكتفيتي ؟!!
قولي .. أكثر وش تبين ؟!!

:

قطيرَةْ ندى