وين الزمان اللي تسرك مباديه
طيبه وشيمه والخواطر سليمه
الرجل واضح لو يقابل معاديه
نفسه بضيقتها تراها حشيمه
واليوم صار الطيب مقفر واديه
له مده ماقابله برق غيمه
والحب موضه والخيانه تناديه
والكذب عادي والمجالس نميمه
وانا مثل منهو على الذل حاديه
فقره وعزوة منكبه والحميمه
والغالي اللي خافي السر باديه
غير سلوم الحب ياهيه ظليمه
خمسة عشر حجه ونفسي تقاديه
تمشي على ممشاه من زود قيمه
يالغاليه لاتهدمي قصر شاديه
بالصدق والمعروف وانتي رحيمه