[فهد الذيابي]

على ذكرى القصيد وعشق شاعر تكتب الاقلام=وعلى ذكرى السنين الماضيه والليل واسـراره
رسمتك من خيالي فوق لوحة شاعر ورسـام=رسمتك من خيال الشاعر اللـي جمـع افكـاره
لقيتك عشق لايمكـن تزيلـه صفحـة الايـام=ولقيتك عشق شاعر حط عشقك دايـم اشعـاره
لقيتك عشق ثاني في حياتـي راسمـه قـدام=عشقت عشـق شيـخٍ للمراجـل موقـدٍ نـاره
رسمتك وانت امال وعشق وانته للحياه احلام=حقيقه من يهيم بعشق مثلـك طـال مشـواره
انا لو قلتلك هايم بعشقـك قلـت ليـه اهـام=انا وشلـون ماهيـم وهـذا قلبـي تـرك داره
ولاياعاشقه هذا السهر طبعـي وانـا مانـام=سهر عشقٍ دخل مع بابكم والبيـت واسـواره
ولاياعاشقـه ماتذكريـن العـام قبـل العـام=نهار انك صبيـه تقطفيـن الـورد وازهـاره
ذكرتي يوم انا وانتي رسمنا قلـب بالمرسـام=رسمنا قلـب فـي دفتـرك والتوقيـع تذكـاره
وسكنت بوسط قلبي كان تدري والضلوع خيام=تربع وسط قلـبٍ مـاش غيـرك واحـدٍ زاره
مادامني عشقتك حط عشقي لك فخر ووسـام=ولامن صار شيٍ غير عشقـي لااخـذ بثـاره
انا هديتلك عمري وانت قدر ياعبيـر الشـام=لاتنسى ماضى الايـام هـاك العـود ووتـاره
تعال اعزف على ماضٍ رسمته حقق الاحـلام=وتذكر يوم تقطـف وردة البستـان وازهـاره

فهد بن فلاج الذيابي