عاملتك بالحسن والطيب وخطياتـك امررهـا=واعديها واقول انه حبيبـي مهمـا عنانـي
واقولك يانظر عينـي طباعـك لـو تغيرهـا=تريحني ومعي ترتاح ياسيدي وسيد خلانـي
واسامح وادمـح الزلـه وترجعلـي تكررهـا=وقلت اكيد ذا مايفيد معـه لطفـي وتحنانـي
تأكد ماني ذيك اللـي علـى كيفـك تسيرهـا=تعال اليوم ابين لك حبيبـي وجهـي الثانـي
لو مديت لـي كفـك تصافـح والله لابترهـا=ولو مسموح انطقهـا تأكـد بقطـع لسانـي
ولو تبكي عليك عيني بصد عنهـا وانهرهـا=واصبر روحي في بعدك لو اقطع والله شرياني
اكيد الموت ولاذلي ولـي عـزه و خابرهـا=دخيلك مامضى يكفي تـرى شمّـت عدوانـي
بقولك كلمه واسمعها علـى كيفـك تفسرهـا=كرامتي باقيه وحده وحبيـب ابدلـه بثانـي
وسلامتكم ....