على الله توكلنا وبسم لله الرحمن
ـــــــــــــــــــــــ على اللي تبي يافكري العذب ميلها
ابا امد حبلي وانت حلق بلا جنحان
ــــــــــــــــــــــــــ فضايه فسيح وصيدتك ماتخيلها
تخير مابين الول والدان والمرجان
ــــــــــــــــــ وجبلي من بيوت الغزل وانظم اجزلها
حسيبي على اللي يسكن القلب والشريان
ـــــــــــــــــــــــــ قضية جفاه وصدته كيف احللها
تركني وانا من غيبته تايهن حيران
ـــــــــــــــــــــ وانا من غلاها ماذكر اني مزعلها
تسوق الدموع الزرق من لوعة الحرمان
ـــــــــــــــــــــــــ وجرح(ن)تجدد يالله انك تسهلها
تعدى شهر والجفن من غيبته سهران
ــــــــــــــــــــــ ومناديب هم العين للقلب ترسلها
احبه وله في مهجتي منزل وعنوان
ــــــــــــــــــــ صروح(ن)يمربها الزمن مايحولها
وصاله سحاب إن هل منه المطر هتان
ـــــــــــــــــــ بساتين صدري قام يسقي مسايلها
وغيابه جفاف من الدهر يقتل الضميان
ـــــــــــــــ تنفوس(ن)من افراق المواليف يقتلها
حظوظ وتوافيق ومايجري على الانسان
ــــــــــــــــــــــــ مقدر..وقسمه كيف يقدر يبدلها
ياربي تغفر اللي مضى ياعظيم الشان
ـــــــــــــــــ وتزيل الذنوب اللي على النفس باكملها