[محمد الوبير]

سرني تواجد هذه الاسماء الجميله هنا

وسرتني الدعوه الكريمه شكراً لمن اكرمتني بدعوتها امطرتني بكرمها الفاضله مزون المحمد

اخر ماكتبت وارتكبت

ياللي سريت العام تصبح على خير = للصبح نجمِ فـي طوالـع جبينـك
تعبت ادور عنك في زحمة السيـر = ياللي المسافه جرح بينـي وبينـك
عجزت الأقـي للغيابـات تبريـر = رزنامة الاشـواق تنعـي سنينـك
شخبار قلبـك والمواثيـق والبيـر = والدبله اللي حشرجة فـي يمينـك
من فيهم اللي بـاع مبـداه للغيـر = من فيهم اللـي بقسوتـك مايدينـك
شيصير يعني لو تعذرت شيصيـر = يا زارع التحنان عطنـي سمينـك
تعال بس شوي وارحل مع الطيـر = على الاقل تفـرك يدينـي يدينـك
وان شفت باللي اطلبه منك تبذيـر = ما قلت لك شلني علـى راحتينـك
وان جاك مني ياهوى البال تقصير = سمع صدى حزني اذا صحت وينك
صب السوالف لا تموت المباهيـر = واقدع من عذوق الغـلا تمرتينـك
خليتنـي ابـلا سبـب للمقـاديـر = تطرب على نغمة مواجع سجينـك
لو روميو يعرف مآرب شكسبيـر = ماتشرب كمومي مدامـع حنينـك
تسكن بصدري بس ماتلبث تطيـر = وانا عيونـي تنتظـر ليـل عينـك
وشلون بصبح في غيابك على خير = الخير وينه وانت والنـوم وينـك

القصيده بالصوت

اذا ما اشتغلت اعتبرو الصمت سيد الشعر