[سارة سعد]

محتار ومش عارف ألوم على مين دليني أنت يا حبيبتي يمكن يكون في ايدك القرار مين المسئول مين السبب دمي بيسيل في الميدان التحرير علشانك وقالوا علي عميل وقالوا خائن وبتاع أجندات أجنبية وأنا مش معي حتى نوتة ولا قلم رصاص منزلتش غير علشان بحبك منزلتش غير علشان كرامتي وكرامتك كانوا يعيروني أني مصري ردي يا حبيبتي ولا أنت مثلي مظلومة مثلي ومغصوبة ومقهورة طب ألوم على مين ومين يجبلي حقي ومين يأخذ بتاري المجلس العسكري ولا سكرتارية المجلس العسكري -حكومة شرف- حتى الناس انشقوا علينا وقسموهم مع وضد والدول العربية خصوصا السعودية بيقولوا للحجاج حجاج بيت الله كدة يا قللات الأصل بهدلتوا وأهنتوا كبيركم وهو صان كرامتنا ألم يهيننا ولا الإهانة في حق الشعب مغفورة والإهانة إذا كانت إهانة أصلا في حق أولي الأمر إساءة لا تغتفر وكأنهم بشر ونحن رعاع وهم أسيادنا ولا المجلس العسكري إلي بيشمت فينا الأعادي فينا ولا جماعة أسفين يا ريس شكيت في نفسي أنا فعلا بدمر البلد أنا فعلا لا أحب مصر كان نفسي تصرخي بأعلى صوتك وتقولي ابني مش خاين ولا عميل كل دة وأنت ساكتة يا حبيبتي ليه بكرة تعرفي مين إلي بيحبك ومين إلي طمعان فيك وبيدلس ويزيف الحقائق وبرضو لسة بحبك روحي فداك ودمي مهرك يا حياتي يا رب نولني الشهادة كرامتي مهر لبلدي مصر علشانها أدوس عليها علشان تعيش مرفوعة الرأس وعشان أولادي وأحفادي يعيشوا مرفوعين الرأس في جنتك وبكرامة لأني لا أقبل لك الذل ولا أقبل أن أعيش أنا مذلول علشان كدة مش هسكت يا مصر ومش راجع غير لما أشوفك أبية كريمة عزيزة مرفوعة الرأس وقبل مأسلم نفسي للشهادة وأموت بقول لكل إلي قاعدين في بيوتهم انزلوا
إمضاء : ابنك المتيم بحبك إلي عاش طول عمره مظلوم وحقه مهضوم ورغم كدة بيحبك علشان كدة راح أستشهد في سبيل نصرة الحق