توا باش نجلسو حول الطعام ..كثرت من الكلام ونسيت السلام
السلام عليكم المادبة ذبحت لكم 5خرفان ...تربت في السهول وكلت الزعتر والعلفة الطبيعية لحمها بنين نذبحوها للضيوف الغالين مثلكم.المكونات متاع الكسكسي كسكسي عولة والعولة عادة عند التوانسة تعدها المراة زمن الصيف وتدعولها جاراتها للمساعدة ...ومعاه زبيب وحمص وحلوى وبيض مسلوق ...ماما حصرت الكسكسي وانا بعثتو لخويا عبد الله حاضر جاهز في قصعة عربي مزين بالحلوى واللحم والزبيب والحمص ومعاه الفلفل اللي ما يغيب على طعام...وحضرت ليكم معاه سلاطة تونسية مكوناتها فلفل طماطم بصل ثوم ومشويةعلى الفحم ...وسلاطة طازجة مكوناتها خيار طماطم بصل فلفل حصة ومملحات وبيض للزينة ....ومعاهم لبن يعني حليب رايب وزبدة عربي من الشكوة والشكوة هي جلد ماعز مهيئ لمخض الحليب ...والقلة ...وقبل ما تاكلو الكسكسي لازم تذوق العسل الصافي مع الزبدة والرقايق نوع من الخبز يعد بالبيت
كلوا بالصحة والهناء نورتو تونس الخضراء ...تونس الحرة اللي بدت فيها الثورة المجيدة وانطلق منها ربيع الشعوب العربية ونختم السهرة معكم احبتي ببيت شعر من وحي الظرف راجية ان اكون قد عرفتكم بقليل من كثير عن بلدي وموطني ودمتم لي احبة واخوة
كل جبار اذا ما طغى وتجبر
وكان في طغيانه يسرف
أرسله الله تعالى الى تونس
فكل جبار بها يقصف
وقصف الجبروت ويا رب دعواتكم لتنجح تونس ...احبكم جميعا واحيل المكرفون لاخينا الرائئئئئئئئئئئئئئئئئئع عبدالله السهلي سهل الله عليه كل صعب