يا ليت الورد ما يذبل
يا ليت الدمع ما ينزل
يا ليت الدنيا تصفا لي
تعبت أشيل وأتحمل
دموعي صارت أحرفي
حياتي أنجرح و أزعل
حرام الناس تجرحني
وجرحي بالصبر ذبل
حرام الخل يطعني
وطعناته ترى تقتل
ومن حولي الطعن يكثر
ولا أحد يرحم ويبدل
بديت أخاف يا قلبي
بديت أخاف تتملل
وأذا مليت يا قلبي
من يخفف ومن يسأل
كفاية لعبت الدنيا
تدور بنا ونعتل
تشتتنا تمزقنا
وكل بالأنا ينشل
أبصرخ بس يا دنيا
وأهاتي بدأت توصل
أريد الناس تفهمني
أبي الإحساس ما ينذل
أريد الكل يرقى بي
وبرقى بالمنى الأفضل
أبي كفي بأياديكم
وأبي من قال لي يفعل
وأشوف الصدق في عين
غدت تتلون وتخجل
عسى تتحقق أحلامي
وعمر الزين ما يكمل