[عبدالله السهلي]

جاي من بعيد أبغير جو
وعلى الشاطي أبسترخي
جيت بليل مافيه ضو

ونزلت وفرشت فراشي

وشدني جري الموج
وصياحه

يوم الريح تلطم فيه

وتذكرت أنا حالي
يوم الدنيا تلطمني

زعلت ..وصابني غم
وأعطيت البحر ظهري
قلت أبنام بلاشي هم
ولا أبغى أشوف هذا الظلم

ويوم سهسهت
وغطى الرمش على عيني
جاني ناموس يقرصني
يطردني
قوم ارحل
هذا اليوم ماهو يومك
روح عنًا وتعال بكره
يمكن بكره يكون يومك


قمت ماحيط بغير شعور
أحك وأقطع في جسمي

قلت أبروح للصحراء
أبغى أرتاح وأنام فيها
وأقوم الفجر وأصلي
وأشب النار وأتقهوى

نزلت وفرشت فراشي
وحطيت يدي تحت راسي
شوي ...
واسمع صفير الريح
يوم جات بالسافي
طارت في وتضربني
قوم أرحل
هذا اليوم ماهو يومك
تعال بكره
يمكن بكره يكون يومك

قمت مقهور
مثل أنسان
يراجع في دوائر حكوميه

كل يوم تعال بكره .. كل يوم تعال بكره