في الصباح صحوت على صوت طرقات امي المتواصله على بابي لانهض وان مغلقه انصاف اجفاني
لافتح الباب واقول (يمه اليوم جمعه اجازه خليني انوم شوي ..)
لتقول ابوك يبغاك فعلمت انه لامفر من المواجهه بعد ان رتب من نفسي وبدلت ملابسي ....نزلت لوالدي وانا اجر خطواتي
دخلت المكتب والقيت تحية الصباح فقلت (صباح الخير )
فرد والدي بس كذا وين تحيتك اللي انا متعود عليها كل يوم.. فابتسمت ومشيت نحوه وانا اقول اسفه ولا يهمك صباح الخير ياتاج راسي ويانور عيوني اللي اشوف به دربي ...
لاطبع على جبينه قبلة واقول وش تبي بعد انت بس تدلل فضحك وقال اجلسي يامليكه جلست وانا انتظر مالذي سيقوله بداء بمقدمه عن الحياة واختلافها وعن السنين وعن ان الوالدين دائما يعرفون الصح اكثر من ابنائهم ..
ثم قال عمك يبغاك لوده تركي وش قلتي قلت :مو موافقه ...
فقال :السبب فقلت :بدون سبب ما ابيه ....فقال اعطيني سبب لرفض ......
دار بمخيلتي الكثير من ما يحيط بتركي ولم اجد سبب اكثر من قولي مايناسبني وامه ما اطيقها ما احبها ..
ولاتنسى يابوي اني ما اعتبر تركي الا مثل اخوي وشخصيته ماهي اللي في بالي فقال والدي تركي مصر عليك ويقول اللي تبي انا تحت امرها ليش ترفضين تركي اخلاق مركز اجتماعي متدين وفوق هذا كله (ولد عمك ستر وغطا نلك )...
فقلت ايوه عشان كذا عشانه ولد عمي مستحيل ماابيه بتجبروني والله ما اخذه ...فقال والدي مليكه انا احبك واعزك واقدرك لكن مستحيل اتركك تسوين شي ضد مصلحتك وانا عطيت عمك كلمه وانا موافق وامك موافقه ....قلت بس انا موموافقه ومستعده اقولها لعمي ولولده ...فقال خلاص قولي لعمك اذا جاء الليله او بقوله انك موافقه فاهمه لانه مستعجل يبغى الرد قبل يمشون من الرياض ..
فقلت مستحيل مستحيل انا يابوي مو من ضمن تجارة عمي ..لانهض تاركه الغرف وانا اهدد بالرفض وان اواجه الجميع .....
عند المساء حضر عمي وبصحبته تركي وعندما طلب والدي القهوه وقال خلو مليكه تجي
ذهبت لالبس عباتي وبرقعي وادخل على عمي واقف عند الباب واقول لبيه يبه ناديتني ....
فقال عمك يبغاك لولده وش رايك ....قلت راي انا قلته يابوي ....فقال عمك يبغى يسمع منك ....
فقلت انا موموافقه .....
فصرخ عمي قال :تعقبين ترفضين تركي ماتخسين....
فقلت الحشيمه لك ياعم بس انا مارفضت ولدك لعيب فيه...
فصرخ اطلعي بتاخذينه غصب عنك ...
فقلت :تركي اسمع مني وانا اختك والله مافيك عيب والف وحده تتمناك لكن انا مو من الف لاني اعتبرك اخوي هم يقولون ولدعمك ستر وغطا لك بس انا اقول...
ولد عمي لاضاقت الدنيا محزمي وعصابة راسي .....وانت بكيفك اذاتبي وحده ماتبيك بكيفك ....
فقال تركي وبكل وقاحه اسمعيني يامليكه انتي لي حلال ولغيري حرام .....
قلت ممن بحكمه ....قال بحكم اني ولد عمك وتراك محجوره واي واحد يتقدم تراه معقور وولد العم له الحق من مبطي ينزل البنت من على رحولها ..
فقلت روح ياشيخ طلع من فمك غباااااااااار..
وبنشوف انا والاانت يامتخلف الشهره علي انا اللي اكلمك واطلب منك الشيمه على بالي اكلم رجال مادريت اني اكلم رخمه ماينتخي ولا يشوم ..
واخرج مسرعه لتواجهني امي وتقول وش صار قلت وش صار والله ثم والله ما اخذ تركي لو تطبق السماء على الارض والا ما اكون بنت فلان ...
يتبع ....