عرفتو هلق سبب طلاقي
وانا قاعدة عم اتفرج على التلفزيون والدنية الضهر واذا بباب الدار حدا عم يفتحو من برا بالمفتاح بصراحة خفت كتير
واذا برجل يدخل ويلقي علي السلام بقوله السلام عليكم
وهون صرخت صوت يمكن وصل للحارة التانية ولي ولي
مينو انت وكيف هيك بتدخل عبيتي ومين عطاك المفتاح
انذهل الرجل وقلي شو صرلك يا بنت الحلال انا زوجك محمد شو ما عرفتيني ما يكون صار معك فقدان ذاكرة
قمت قلتلو انت زوجي بس انا زوجي اسمو احمد وبعدين شو انت جاية تتبلاني ليك يا بتطلع هلق ولا بلم عليك امة لا اله الا الله وانذهل بزيادة وقلي لك منى انا محمد شو صرلك قلتلو منى ومينو هي منى انا اسمي رنيم
قام وقف هيك واستند عل حيط وصار يحاكي حالو والله هذا بيتي وهي مرتي معقول انا عم احلم لاقرص حالي وقرص حالو وقال أي والله ما عم احلم لك منى بلا هل مزح والا والله ما رح اغفرلك
وهون ما بقى تحملتو وصرخت ولي ولي يا جيرا ن الحقوني
وهون التمو علينا الجيران ابو عدنان و ابو سمير ولما اجو
قلتلو يا ابو عدنان اطلع منيح هذا زوجي احمد شي
قام قال ابو عدنان لاء مو هو وبعدين انت كيف بتسمح لحالك تتهجم على بيت حرمة
انذهل محمد وقال لك ابو عدنان انا جارك محمد شو نسيتني
قلو ابو عدنان لاء انت اكيد عم تختلا علينا ليك اعترف انك مخربط احسن ما نجبلك الشرطة
قام قلو ابو سمير وليش لحتى نستنى رح اتصل بالشرطة فورا وفعلا اتصلوا بالشرطة واجت الشرطة وعند بدها تاخدوا لسيد محمد معا عل مخفر
وهون صرخنا كلنا وقلنالو كانت معك الكاميرا الخفية
وصفقنا كلنا ووقفت وقلتلو حبيبي شو نسيت اليوم عيد ميلادك انا حبيت عايدك بهل مزحة لحتى ما تنساه بحياتك
عجبتك مو قام قلي وانا رح خليكي ما تنسي هل يوم بحياتك انت طالق
عرفتو هلق سبب طلاقي
طبعا ملاحظة انا كنت متفقه مع الجيران والشرطة ماكانو شرطة كانو اخوات رفقاتي