السلام عليكم
عودة بعد غيبة ومصافحة اتمنى ان ترتقي لإذواقكم الجميلة
سليمان السلامة
ياحالنا اللي صايره شر الأحوال=بالاجهزة ضعنا صغير وكبيري
حياتنا صارت قناة وجوال=وايباد وانترنت وابلاك بيري
ضاع التلاقي والعذر كثر الاشغال=وصار التواصل بالرسايل يصيري
حتى ان تلاقوا كل واحد على حال=كل عيونه في جهازه تحيري
وكان المكان معطل مابه ارسال=لقيت كل وده أنه يطيري
الاجتماع مجاملة والتملمال=واضح عليهم بعد وقت قصيري
ذي حالنا بالوقت حرمه ورجال=وماندري الدنيا بعد وش تصيري