[قديم الشوق]

المشاركة الأصلية كتبت بواسطة دهن العود

السلام عليكم ورحمة الله وبركاته وبعد.

هذه ابيات موجهه إلى الشاعر // فراج بن فهد ال تركي الشكره

الجود من الموجود ......




تدور الدواير والعرب ترتجف وتدور
وعساها تعدل عقب ذا اللف والدوره


سماهاملبد بالسحب والسهل ممطور
والارصاد تتنبىء بثوره ورى ثوره


عرفها حكيم الراي وابحل بها المغرور
عقب وصل حبل المشنقه حول حنجوره


سلامات مصراته وصنعاء ودير الزور
عساها على اللي مرقطٍ يحتري دوره


صحى نايمٍ من نومته عقب جاه الدور
وعدل امورٍ قبل الاحداث مدثوره


تحية شرف واجلال للتونسي الممرور
عسى سيئاته عند مولاه مغفوره


ترى لاهدا موجٍ ببحرٍ تهيج بحور
والى هاجت امواج البحر يصعب اعبوره


واذا ثارت الاحداث ماهي كتب طبشور
ولاتنمسح في لحظة مسح سبوره


تواريخ جيل تندرس ثم تبقى عصور
حصيلة عقود الظلم والناس مقهوره


دفنت البذر في جرهدٍ ممحلٍ مهجور
ولا اظن يطلع مابذرناه بزهوره


ويابوفهد فراج فكّر وعطنا الشور
وصوب لنا الاهداف واحذر من الكوره


طلاسم بسم ابشر ولاتقرب الحنجور
ترى الدم لامن فار ماهوب نافوره


وياما اكثر الحساد وايضا شهود الزور
تجسس تدسس مثل زيتٍ بماسوره

أررررحب والله يا ابوغصاب

وصح لسانك ياطويل العمر

عز الله إنها قصيدة وعز الله إنه شعر وشعور

قصيدة تعبر عنا جميعا ً وأسندت إلى رجل كفو

وحملت أجمل المعاني وأجزل الألفاظ

ليتك تغيب يا ابو غصاب وتجيب مثل هالشامخة المعبرة الوافية

سلامات مصراته وصنعاء ودير الزور
عساها على اللي مرقطٍ يحتري دوره

بيت عن قصائد

واللهم آمين وعساها على النصيري الخبيث وأعوانه

والله كريم سبحانه

دهن العود

أشكرك من الأعماق على ماعطرت به مسامعنا به في هذه القصيدة من جمال

الله يعطيك ألف عافية

وفي انتظار المزيد من هذه الدرر

وتقبل فائق تقديري واحترامي