[قصايد]

ظــروفٍ غـــامـضـــة

0

0


حبيبي .. وين رحت ؟؟ أرجوك جاوب صرخت الأعماق
مرابع مهجتي.. فيها الحنين .. إليا نزل يرقا

فقدتك والقهر يرعد سحابة .. والأسى براق !
تساقط وابله واحرق نواوير الحشا ... حرقا

فقدتك في ظروف غامضة .. هبت بريح فراق
تحدرت بسببها .. وابتلعت الطعنة الزرقا

فقدتك .. ليلة مامثلها ليلة على الأطلاق
كئيبه .. مظلمة .. تسرق بوادر بهجتي زرقا

تمادت فالسواد .. وقلت ياربي .. متى الأشراق
ظنيت الشمس تشرق .. بس .. ماتطلع من الشرقا

أنا اذكر كنت تنثر طلتك بمراية الخفاق
بيوم كان قلبي غصن مورق .. والغلا ورقا

نعم بالضبط مدري وش حصل .. وش بعثر الأوراق
تكسر حلم وانهارت مبادي .. واعشبت فرقا

حبيبي والله انه وضع مذهلني .. ولا ينطاق
لكن لا زلت أظن الشمس تشرق والسما زرقا

حبيبي وين رحت .. ووين حطك مركب الأخفاق
عسى ماللتعاسة..والقهر في ناظرك برقا ؟!

أنا ادري عنك رحت ..ومن غلاك أفتش الأعماق
وانا شايفك مقفي والرموش بعبرتي غرقا

0

0

00 عـويــد الـمـطــــرفـي 00
00 بـعـيـــد الـهـقـــــاوي 00