جئتكم احمل تجربتي بعد ان قررت ان
اصافح عالم النت بتجربتي البسيطه
حقيقا احتاج للاخذ بيدي علي اصل
الى بر الشعر الصافي
حس الغــلا يانور عيـني يناديك = كني باعذب قول حب انتخيتك
ايو الله اني لو تبددت اغليــك = شوفك هواي وروحي اربوع بيتـك
اصارع احساسي على شان نرضيك = لاني على حس المشاعر هـــويتك
يرخصلك الغالي وتبلغ هقاويك = وافارق الدنيا وانا مانسيتــك
ياحسي النابع ورى هقوتي فيك = احفظ هواي وماطلبته عطيتك
انت الغلا كله وانا كلي ابيــــك = وانت الحنان اللي بقلبي حويتك
اسمك على بالي ولا اجيب طاريك = طيفك يخاويني وانا ماسريتك
ياجوهر العالم بعيني ترى فيك = لهفة غلا تشتاقني لالقيتك طريتك
الله يديمك ياغلايه ويبقيـــك = ويساعد احساسي كثر مارجيتك
من زود حبي غرق الشوق شاطيك = يا سر لو طال الزمن ماحكيتك