لا تحسب اني بغيبتك يوم عانيت
لاني سهرت الليل ولاني تألمت
طوّل غيابك واوصل الليل بالليل
أصلا نسيت إنك حبيبي وسلمت
ماعدت أداري لا ولا ظل بي حيل
سممت عمري كله اليوم سممت
ضيعت صيتي وجبت لي القال والقيل
بس الخسارة مابيومن تعلمت
ليتك بقيت بعيد في آخر الليل
أو ليت ماهوبت صوبي ويممت
صارت حياتي كلها ليل في ليل
وصبري نحيلن من كثر منت خيمت
مثلك تعود يحرق البن والهيل
ومثلي ليامن يوم صوبت صوبت
ماعدت أطيقك لا ولاعاد بي حيل
هديت جدرانن بها يوم رممت
حرمت أجيلك ديرتك لو بعد ميل
وحرمت أعيش بقربك اليوم حرمت