[زهر البيلسان]

يا 100 هلا بعسافة وعناوين الدموع

صبحكن الله بالخير والبركة والرضا

صباح المطر والجو الحلوووووووو

مرحبا بكن وحيا الله من جانا

تفضلن جبت لكن معي قهوة تركية



وصحن بتي 4



انتسلى فيهم لين ما يجون باقي البنات

على طاري الفول يا عسافة

أنا ملاحظة ولع أخواننا السعوديين بالفول

شفناهم يوم جاوا عندنا أيام إجازة نص السنة

دايم يروحون مطاعم الفول والحمص وخاصة عالريوق..

عليك بالعافية يا الغالية نورتيني والله

وإنتي يا عناوين

حنا أشوق لك ولحضورك الألق

شرفتيني يا الحبيبة

بشريني عنك إن شاء الله بخير وأمورك طيبة

يشهد الله إني يوم أشوف إطلالتك في المنتدى

إن ينشرح صدري وأستانس وايد

خاصة وإني معجبة كثير بفكرك وآرائك

وأستفيد من كل مشاركاتك وكتاباتك

بس المرة الجاية وإنتِ جاية فديتك

جيبي وياك دلال الشاي والقهوة...

ربي يسعدك ويحفظك مثل ما تسعديني بكلامك الطيب النابع من قلبك الأطيب..

ذكرتيني والله بأختنا الغالية الطيبة

شكثر طيوبة ومحترمة هالإنسانة

تفرض على الجميع احترامها ومحبتها

بسبب شفافيتها وصدقها في التعامل مع الآخرين

حبيبتي خلود الياسمين

بشرينا فديتك

عسى تحسنت صحة الوالدة وصارت أشوة الحين؟

طمنينا عليها، وتأكدي أني ما نسيتها بالدعاء

خاصة هالأيام هطلت علينا أمطار الخير

ودعيت لها من كل قلبي وما في داعي أقول لأن هذا شيء بيني وبين ربي

صحيح يمكن أنتي ما تعرفيني عدل ولا أنا أعرفك عن قرب بشكل شخصي

لكن الله سبحانه وتعالى وحده يؤلف بين القلوب المتحابة فيه ويعلم سبحانه مقدار معزتكن وغلاتكن في نفسي..

الله يجمعنا وإياكن عالخير يا خواتي

وتضلن حيااااااااااكن أنتن صاحبات مكان فديتكن أنا