[زهر البيلسان]

ما شاء الله عليكن

العف الخجول وسمو الذكريات والطيبة

جيتن وجبتن الخير كله وياكن

عاد أنا

جايبتلكن معي باقة ورد قطفتها وردة وردة بيديني

حبيت أبارك لكن وأهنيكن

بمناسبة الأوامر الملكية اللي أصدرها

ملك الإنسانية والقلوب أمس

يشهد الله إني فرحت لكم من كل قلبي

تستاهلون كل خير

وفالكم طيب دوم إن شاء الله

لكن ريحة طباخن منتشرة في كل مكان غطت على ريحة الورد والأزهار



انعم الله عليك يا العف الخجول

هذي هقوتي فيج

خووووووووش كبسة

ولا الفلفل

غراااااااااااااامي أنا الأكل الحار السبايسي

سلَّم الله يداكِ يا الغالية

شرفتيني فديتك

ربي يسعدك ويغنيك

والسموحة منك تأخرت عليكم

ولا قمت بواجبكم

والصراحة أنا وايد مقصرة في حقك

وأعترف بها الشي

بس عشمي في قلبك الطيب اللي يسامح

كبير يا العف الخجول

وإن شاء الله تعزميني لا جيتكم زيارة

على أكله سنعة من يدينك الحلوين

وإن شاء الله تتاح لي الفرصة أن أخدمك في الأفراح

ويارب يطعمك من أكل أهل الجنة قولي آمين

سمو الذكريات

الحلا جايبة حلا للحلوات

الصراحة طبقك مسكت

كنه بيتزا شوكولاته

بس ما فيه مكان دبتي.. أقصد بطينتي انترست

وشكلي باخذه معي البيت

مو عشان أقضي عليه

لا....

بس عشان أتباهى جدام هلي بضيافة صديقاتي وأخواتي لي

أما الطيبة

فهي اللي صج محلية القعدة

بكلامها الطيب ودعواتها الصادقة وقلبها النقي الطاهر

الله يارب يجمعنا وإياكن على الخير دايماً

ولا يفرق بيننا أبد

وهذي البيبسي والبارد بعد ضرب الخمس اللي سويناه







وعوافي عليكن هاللمة الحلوة

والله لا يغير علينا...