لاتذكرني غيابـك قبـل اشوفـك ماعرفـت
إن حظي والليالـي ماتسـاوي شـي دونـك
لو بغيت اوصف عذابي راح عمري ماوصفت
منت قاسي بس عيبك ماتبي نـاس ٍ يبونـك !
بين ساعات انتظاري وبيـن جياتـك وقفـت
أنتظر لحظة وصالك بشتكي لك من جنونـك
آه ياظلـم المواعـد كيـف بيدينـك نسفـت
حلم شاعر مات مبطي مات مفتـون بعيونـك
أسبح بعكس اتجاهك مادريت انـي انجرفـت
لين صار الموت حدي وانت تحسبني اخونك
كل ماعزٌمت اسافر قمت مع نفسي اختلفـت
قلب يحتاج لـدواك وروح تحتـاج لطعونـك
ماكفاك اني أعاني من غيابك يـوم اضفـت؟
جرحك المليون كافي لامتى وانت بظنونـك!
كل هذا يا أناني كـل هـذا ومـا انتصفـت؟
قلبك المغرور غرك يوم بعت اللي يصونك!!
عقب ماخانك زمانك عقب مارحت اكتشفـت
إن مثلي ماتلاقي لـو بغـوا هـم يوهمونـك
ما أبي أفتح جراحك يكفي ماشفـت ونزفـت
تدري اني لك مسامح قبل لا غادر سجونـك
بس لاتطري غيابـك واعتبـر ماقلـت لفـت
لنتباهك كان مثلـي ماتبـي احيـا بدونـك !!
الله الله الله
صح السانك مدد بلى عدد يالجزل
نص رائعه وراقي من شاعر متميز
لاهنت وبانتضار جديدك
تقبل تحياتي وتقديري
دمت بخير