ياقو قلبك على الصّـده وياصبرك
وياوسع صدري على صدك ويا صبري
وياطول عمرك بذاكــرتـي وياكُبـرك
وياشيب عيني بشيّب عــــاد ذا كــــُبـري
والله لو ان حمل صبري فوقـك..ان تبرك
والله ولو تعتذر منـت بعلـى خــبـري
ان ماجبرك الغلا ما اقدر على جـــبـرك
ياللي على ارض الوفـا ما شبرك بشبري
تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري
امـــــحق وليف ومحبه والا اقــول ابـرك
حسبي عليك .. اعشقك .. وانت اتحفر قــبري