[زيد العتيبي]

أخوانــي
أخـــواتي
في منابع الأدبيه
حضور أول معكم عسى إن يصل لذائقتكم الشعرية العاليه -- كل الشكر للاخ / حسن الزهراني
على الدعوه الكريمه
لا يفوتني أن اشكر أخي العزيز / فهد الدباسي سبق وأن وجه لي الدعوه
وتعذر علية عدم أجابة الدعوه الكريمة لعدم وجود الرابط 000 رابط الأخوه أكبر واعظم فيما بيننا
رغبة في التنوية كي لايكن هناااك أساءة فهم فيعلم الله أن الجميع عندي في مقام واحد ومنزله واحده
على العز والطيب نلتقي وعليه نبقاء ماحيينا وبا الله نستعيين 00
ولكم تواصلي الأول معكم أخرج بعدها من سلم العـد والعدد 000

احفروا أسمي مع الأسماء الكبار = ورجعوني فاالأمل طفلاً صغير
وابعدوني عن سواليف الصغار = ومنحوني حكمة الشيخ الكبير
ونزلوني في منازيل الحرار = ورفعوني عن حماقات الحقير
وقابلوني مع تهاليل النهار = وتركوني في دجى الثلث الأخير
ووعدوني وعد مافية انتظار = ولا تجوني في يصير وما يصير
وشرهوني بالعويدي والبهار = وحرموني من شراب الزمهرير
عز نفسي فوق عن كل أعتبار = والله إني لو أعيش بها فقير
الكرامة عند أهلها ما تعار = يعلم الله ما تعار ولا تعير
مـجلسً فيه الفضيلة والوقار = خير ليه لو فراشة من حصير
شددوني في صحاصيحٍ قفار = وش يفيد الذل فالنور المنير
كل ماقلت استوى حظي قرار = مايوقع غير من حينه يطير
وماجمـعه النمل في أياماً كثار = ياكله في رمشت الـعين البعـير