[مناحي المقنع]

السلام عليكم ورحمة الله وبركاته

اسعد الله كل اوقاتكم

بكل ود وبأرق تحيه

اسمحوا لي باضافة هالقصيده ولعلها او عساها تحوز على القليل من استحسانكم

لكم مع التحيه

اسمي مناحي واكتب الشعر واقراه=واحب انا ارسم في القصايد شعوري
اسري مع الهاجوس لا حل طرياه=وتحضرني الافكار واثبت حضوري
واذكر حبيبٍ تل قلبي من اقصاه=واستدركه في الحب بإحلال فوري
ذاك الحبيب اللي أحبه واهواه=لجله بنيت من المشاعر قصوري
يستاهل افعالي وانا استاهل ارضاه=وأفخر بحبه لين قمة سروري
ضاقت بي الدنيا بعد حر فرقاه=والله يجعلني في بعده صبوري
ربي عطاني خشعةٍ في المناجاه=ثوب التقى لبسه يجبّر كسوري
بسأل بديع الكون عفوه ورحماه=عن كل ذنب وعن خطاي وغروري
ويارب سترك من أناسٍ مسماه=الحكي فيهم يطفي إشعاع نوري
كلن برزقه وكل رجلٍ بيمناه=ليتك وليت فلان إيطيع شوري
الحلم ياكبره وياصبر من جاه=حلمي انا جنه وعلمي جذوري
ولولا الأمل بالله وحبي للقياه=ماتت حياة الحلم سبة شروري
وصديقي الطيّب وبالطيب انا ألقاه=ربعي واصحابي هم إكمال دوري
وعدو عيني ماتمتعك ذكراه=اهل الرخامه مايجيهم مروري
بختم كلامي واكتب الشعر واقراه=واحضّر الافكار واثبت حضوري

اخوكم

مناحي المقنع