عطني علومك وش علومك ووين انت=هو انت فوق الارض والا تحتها
لاوالله الا شانت علومك وشنت=وخيانتك نفسك عليه رضتها
خنت العهد فيه وانا معك ماخنت=نفسك مواثيق العهود نسفتها
وبين خفاك ومع مدى الوقت بينت=ياليت نفسي قربتك ماقبلتها
وانا اعترف من قربتك بني انهنت=هانت(ن)نفسي قبل معرفتها
وكان انت في طرق الخيانه تفننت=نفسي انا طرق الخيانه نفتها
اول علي بكل ماتطلبه منت=ماتطلبه نفسك لنفسي عطتها
واليوم ماكنك حبيبي ولاكنت=محبتك سود الفعايل محتها
ليا ذكرت ايامك السود حزنت=ودمعت ندم والعين من اذرفتها
وانا الذي مابيك مابيك وعلنت=ومحبتك اقدام رجلي وطتها
والمشكله لو ماخلق غير انا وانت=ومحبتك جبر الحياه افرضتها