[همسة غلا]

البارحه نامت عيوني وشافك=القلب شافك قبل ماتشوفك العين
في ليلة قمرا لها من صفاتك =ومن طيب ذكرك زادها زين × زين
ومن نورها الي وسط قلبك وذاتك=يسمو بها ذكرك واسمك وحرفين
لاح الخيال بجوف صدري وضافك = واخفيت نبضي في ثيابي عن ادنين
والخوف من شوقي يجي عند بابك =والقى العواذل يحتروني برمحين
رمحٍ يصيب القلب ورمح يعدا لك =ونقضي العمر بافكار ناس غريبين
ليت الرياح الي غدت به بدالك =مابدلت قلبين كانوا وليفين
ليت القدر يوم انكتب لي سعابك =وما راح عمري بالسهر والدواوين
فالليل اهوجس بك ويظهر خيالك = واخفيه عن كل الملا بين جفنين
العام خال البال واليوم جابك =تجري بمجرى الدم بين الشرايين
مااحدٍ درى بالقلب يومه صفا لك =ولااحد عرف عن لوعة الحب والبين
قام السهر في عالمي واحتفى بك =قدم مراسيم الحفل ليل الأثنين
حضرت نجوم مع قمرها تشابك =وغنت لهم بدموعها عني العين
ورقص لهم فكري وقلبي غدا لك =وانت ملكته والمحبه براهين
لا وهني قلب بحبه سما لك = ماهمنا لو قيل عنا المجانين
ان كان تهمتنا الوفا مع غلاتك = مرحب هلا بالحب حنا العناوين