[ابومحمد]

السلام عليكم

مع احترامي للشاعر الكبير ابن فطيس وموافقتي له في كل ماقاله بشأن المحسوبين على امتنا من التافهين والتافهات
الا ان لي رأي اخر أرد به عليه بسبب تحديه لمن يعترض عليه وهي قصيده تهكميه

[ أترك حليمه ]

يمحمد ابن فطيس اترك حليمه ** وخلك بحالك واشتغل في اراضـيـك

لاتـنـتقـد بـنـت الكــويت اليتيمه ** فــي ديـــرة فيها طروش ومـمـاليـك

واشـره علـى اللي يعرفون الحشيمة**اللي مـواريهـم تشـابـه مـواريـك

شاهـد قنـاة بـلادك المـستقيمه** تلقـى بهــا شـيء يحــرك ويـوذيـك

مـاعـاد فـي العـالم وقـار وشيمه** وكــل على كيفـه يبـيعـك ويـشريـك

حتى شباب اليوم من غير قيمه** يــــــاعـونـة الله يــادجـاج بـلا ديـــك

الجسـم وارم والمـلابـس ذمـيمه** والـى زهـمـتـه بـالاســم مايحاكيك

وصار الحياء والطيب عمله قديمه** كـــانـت لهــا قـيـمـة بربعك وماضيك

مـــن أجـل ذا بـالـك تزعل حليمه** تــــرى زعـلـهــا كـــايـد لـو تــبـاريـك

النـاس راحـت جــو وأنــت بـخـيمه ** فتــح عيــونـك لا تـغــرك هقاويـك

يامحمد ابن فطيس اترك حليمه ** ان كان ودك فـي طـريقـك نماشيك

هذي نصيحة من بعث لك نسيمه** من وسط نجد اللي تحبك وتغليك

واخــر كـلامـي بالتهـكـم أقيـمـه** فـي واقـع فيه الزقـايـر مساويـك

</b>