تبيه .. تحت الليل وأسياط النظر والخوف
تبيه .. والميعاد عيا ينتظر ملهـــــوف
تبيه .. والساعه دهر . مامر . ماأرسل خبر
ماملت ... وظلت تحتريه
كل الوفا
شفته على ذاك الرصيف .. ذاك المسا
وكل الجفا شفته على نفس الرصيف . نفس المسا
كانت تعذبها أوهامها حيره
كانت تشب وتنطفي غيره
كانت تموت وتحتضر
كانت أبد .. ما تنتظر غيره
ياقلبها مسكين ما تدري
إن الهوى سكين .. يجرح ولا يبري
وان الوهم أحلي حقيقه في الغرام
من الحبيب اللى تبيه .. تبيه أحلام
ياقلبها .. هذا زمان صعب
يموت فيه الصدق .. ويعيش فيه الكذب
ياقلبها .. لا تنتظر ؟
دوِّر على .. غيره . . !!