قصيدة عسى ان ترتقي لذائقتكم ومسامعكم اخوتي الكرام
أنـا والهـوى والحـب والخـاطـر المكـسـور = وحزن الليالي / .. والمعاتب .. وليل (ن ) طـال
وعذاب (ن ) نبش في داخلي / ... جرحي المقبور = و هواجيس .. وأحلام (ن ) تجدد .. وضيقة بـال
وهم (ن ) يشل الجسم ../ واحيان احس اشعوور = بعزلـة شديـدة ... كـن مـا فالبـلاد.... أزوال
وسهر .... لين / يظهر في سمايه شعاع النـور = واذا قلت زال الجرح .! يصـرخ هنـا... مـازال
على كاهلي ... يثقل وانا ما علـي ... اقصـور =اشيل الهموم .. اللي تشـادي لهضبـة ...غـال
هذيك الجبال .. اللـي ذكـر بنـدر بـن سـرور = بنجد العذية .... لكن انـا علـى ايـه ....حـال
تجيني .. وانـا صابـر كـذا ... كلهـا بالـدور = وابيع المشاعر .. كل ابوهـا .... بنـص ريـال
بكيت / وبكا من شـاف حالـي / وانـا معـذور = وابا ابكيـه/ لـو / ان / البكـا عيـب للرجـال
اشيل الهجيني ... واجـذب الصـوت بالمجـرور = واصفصف بيـوت الشعـر ... واغنـي المـوال
هذا من شهر واحد / قبل حـول سبـع أشهـور = عرفتـه / وكلمتـه دقايـق / عـلـى الـجـوال
نقش في ضميري مثـل مـا ينقـش العصفـور = ونحت صورته .. في داخلـي .... كنهـا تمثـال
يداعـب نسيـم اللـيـل مجـدولـة المنـثـور = على المتن ... لا ...ارخى وانسدل ... كنه الشلال
اليا من همس / ثم قال / احبك / ضربـت بحـور= وليا مـن ضحـك كنـه مثـل ضحكـة الاطفـال
ابا اقول / له / طالبـك / يكفيـك / هـذا جـور = عسـى الله تعالـى / بعدهـا يصلـح الاحــوال
وأبا اقول ياظالـم ...وابـا اقـول ... يامغـرور = علامك .. تساقينـي عـذاب الهـوى.... فنجـال
يكافيـك مـا سويـت لا ... تكشـف المستـور = قتلت القتيل ... ورحت تبكي علـى ... الاطـلال