[صدر الشمالي]

بسم الله الرحمن الرحيم

السلام عليكم ورحمه الله وبركاته

اليكم قصيده للمبدعه الشاعره دلال الشمال
بعد حلقة طاش عن تعدد الازواج

تخلف و انحطاط يجـرح العاقـل يفـتّ الحيـل

ياكيف إن الرجال اليوم صارت كالنسا امتاعـه

هذا منهج كليم القلب.. أعمى العين.. دمار الجيل

فقد منطق رجوله وجان يسعـى يبغـي ارجاعـه

تعدد للرجال وحزم للنسـوان وركبـت خيـل

ودمع رجال من شانه تبـي تبعـد عنـه ساعـه

ألا ياليتهـم يعطـون أنفسهـم أبـر تحلـيـل

نبي نبحث عن الهرمـون يمكـن فـات مرباعـه

نبي نتأكـد إن اللـي يمثـل دورهـم حلحيـل

نبي نبحث عن أنفاس الرجولـه وسـط أسماعـه

يا كيف إن الرجال اليوم فاته منهـج التجميـل

وحطت نفسها في وضع يبكي الكـل بأطماعـه

ألا ياطاش ..قافي شاش.. مـن دورٍ لمحتـه ليـل

تبون الزوجة تعـدد رجـال وتقلـب أوضاعـه

ألا يا للخسارة صارت أنفـاس العطـا تضليـل

وصرتـم تقلبـون الديـن والعـادات باجماعـه

تعالوا يا الرجال اليوم نوقـف حملـة التحويـل

ونعطيهـم دروسٍ فـي مراجـل أهلنـا بطاعـه

نبي نوقف مهازلهم نبـي نبعـد عـن التطبيـل

نبي نوقف بوجه اللي يحسّـب شرعنـا بضاعـه

يبدلها .. يغيرهـا .. يـردد قصدنـا التكميـل

توقف ياردي النفس قبـل المـوت و أوجاعـه

بقلم دلال الشمآل




منقول لجمالية الابيات
وانها اتت بالصميم