بسم الله
صباحكم / مسائكم محبـــه
مدخل ..
يقولون :
دامك مع اغيابه تعانين خليّــه
ـــــــــــــــــــــــــــــــــــــ مليون غيره بـ إنتظارك بدالــه
من باعك بـ فلس الهجر ليه تشريه ..؟
ــــــــــــــــــــــــــــــــــــ ضحيّ بغلاه وعيّدي في زوالـه
**
الليل أقبل .. يالله إنك تحيية
ــــــــــــــــــــــــــــــــــــــــ ظلماه تفتح للحزين الرحابـه
من غيره بطعم الألم أقدر أغريه..؟
ـــــــــــــــــــــــــــــــــــ أسكب وجع قلبي ويثمل شرابه
نسهر سكارى همّ أكتب واسلّيه
ـــــــــــــــــــــــــــــــــــــــــــــ قصة بطلها دمعتين وكآبــه
عنوانها : رغم الجفا منه مغليه
ــــــــــــــــــــــــــــــــــــــ وغلافها مسحة حزن في غيابه
ياحب يا ذروة تعب يا حلا التيه
ـــــــــــــــــــــــــــــــــ ياللي موسّم بي من الـ (آهـ) لابه
عطني أمل واحد وانا ليلي أسريه
ـــــــــــــــــــــــــــــــــــــ مابين توديع اللقـــــا وإقتراااابه
تعبت أرتب غيبتك للمشاريه
ـــــــــــــــــــــــــــــــــــــ وأسباب هجرك كلبوها تشابه
وش عاد باقي لا انتهى وصلك أرجيه ..؟
ــــــــــــــــــــــــــــــــــــــــ ماتت بقايا حلمنا عند بابـه
يا كثرك بصدري على خانة الـ (ليــه..؟)
ـــــــــــــــــــــــــــــــــــــــ عجزت لا القى يا غيابه إجابه
لو اوصل لـ عرق الغلا بس و ألغيه..!!
ـــــــــــــــــــــــــــــــــــــــ ما شفتني والليل نسهر كتابه
مخرج ..
واقول :
عيون الحب يا عذال عيّت ــــــــــــــــــــــــ
تشوف إرجال خلق الله محارم
بقلم / ! عــــذبــة !
أعذب التحايا لمن يعطر المكان .
( لا اسمح بالنقل دون ذكر اسمي )