[سمــآهر]

وهالله هالله بالضيوف
الله يعينك سماهر طحتي ومااحد سما عليك خخخخخ

لا توصين حريص ... شفتي غبتي وتركتيني لحالي
الحبايب ما قصروا معاي .. ولهم يوووم عسل قريبا ان شاء الله




****************************

هنآ حليف جآنآ متأخر >>>>>>>>عنده وآسطه ههههههه

ما دام عنده واسطه هلا فيه .. هذا حليف من ذهب بس عسى المنصب مهم
>> ودها يتوسطون لها ههههههههه

1- لو لم تكوني بحرينية فأي الجنسيات تحبين أن تكونين ؟

بحرينيه هههههه ...
نروح لاقرب جاره ... سعوديه بحكم نفس العادات والتقاليد وخصوصا المنطقة الشرقيه وعشانها فيها ريحه من البحرين
واذا بحكم الاهل اماراتيه + كويتيه
الاهم اكون خليجيه اما غيره مستحيل اتخيل نفسي بجنسيه ثانيه

2- ماهي الدول التي سافرت لها ؟

كثيرة انا يسموني مسفاره
السعوديه ( أغلب مناطقها السياحيه ).. الامارات .. الكويت .. مصر .. إيران .. لندن ( رحله علاجيه مش سياحه )
.. الاردن .. عمان ( صلاله ) .. لبنان وبس
انتظر المليون عشان الف باقي العالم هههههههه

3- حالتك الإجتماعية ؟

حالتي كويسه والحمدلله ههههههه
آنسه وقريبا ان شاء الله ,, سيدة في بيتي

4- كيف تعلمتي التصميم ؟ وكم استمرت مدة التعلم ؟

انا من صغري احب فن الرسم والالوان
تعلمت التصميم بنفسي من غير دراسه مثل ما يقولون موهبه
بدايات التصميم كانت ببرنامج البوربينت كنت أعد برامج تعليميه لأطفال الروضه في فترة تدريبي
اتقنت شغلة الصور والحركه
بعدها دخلت عالم المنتديات وبصراحه ما كنت اعرف حتى كيف انزل او اصمم توقيع لي
فكنت اطلب من الاعضاء اللي عندهم خبره يساعدوني
ويوم بعد يوم تعرفت على برنامج الفوتوشوب ونزلته في جهازي كنت كل ما افتحه استصعب استعماله وارد اسكره
بعدها خذيت الامر تحدي ورحت ابحث وادور في النت عن دروس مشروحه للبرنامج وكنت كل درس اطبقه واحتفظ فيه
وما زلت لليوم اي درس اشوفه جديد احاول اطبقه ,,

والمنتديات اللي كنت فيها علمتني اكثر كانت تقام مسابقات للتصميم والبنرات والتواقيع
كنت اشارك فيها ..
هي الممارسه هي اساس فن اتقان التصميم ,,
والتصميم نفس وروح قبل ما يكون برنامج ..
ومع معرفة اسرار الفوتوشوب صار سهل على الجميع التصميم والابدااع ...

5- أفضل تصميم لك ؟ وتصميم آخر نشرتيه وندمتي عليه ؟

شاركت في تصاميم كثيره بس افضل تصميم خلينه نقول تصميم احبه
كان من بدايات تصميمي وكانت له مناسبه خاصه وعزيزه على قلبي



أما تصميم ندمت عليه ,,
تصميم عملته من فتره في منتدى كنت فيه مع بنات الجامعه
عباره عن توقيع فيه صورة بنت مع انها مو واضحه
بس التوقيع كله على بعضه غلط في غلط من تصميم ومن كلمات
بس ما ادري دايم افكر فيه والمشكله اني ما اعرف اسم المنتدى صاحبه كل فتره يعطيه اسم
بس اللي مطمني اني انا اللي حملت التوقيع من مركز تحميل خاص اعتقد ما عاد له وجود
اللهم اني استغفرك وأتوب إليك ...



كل الشكر للحليف السابع وحياك الله بس مره ثانيه لا تتأخر
ترى اشيل عنك دفتر الحضووور