[بقايا عاشق]

السلام عليكم ورحمة من الرحمن
مسائكم / صباحكم .. نور


احبتي حين يتحدث الشعر بــِ لسان العذارى يكون له وقع خاص
هنا كانت العنود العبدالله بهذا النص " الباذخ "



اترككم مع القصيدة لــِ ترحل بكم إلى عوالمكم الخاصه




محتاج(ه) لك .. والحاجة أم الاختـراع
..................ياللي تسافر كل مـا .. إحتجـت لـك
ماقلـت لـك إنـي مـأتحـمـل وداع
.................وداع ما أتحملـه .. مـا قلـت لـك ؟
الطير بين الغيـم واطـراف الشـراع
................والموج .. والورد الندي اللي جبت لـك
كـل حاجـة تـردد وراي بـإنصيـاع
..................اشتقت لك .. اشتقت لك .. اشتقت لـك
ياللي حضورك قوت .. وعيوني جيـاع
...................تبي الصراحه ؟ .. كل أبوني جعتِ لك
ضي .. وعليها ..آع ... تعطينا ضياع
..................وانا انطفى ضيّي كذا .. من ضعتِ لـك
اشعلت لك قلبي من اللهفـه .. ومـاع
..................ليته مَ ماع ..وليتني ..مَـاشعلـتِ لـك
في وقت صار الكـل .. لبّيسـة قنـاع
...................مع إني جدًا واضحة .. وضّحـتِ لـك
ان المطر ينـزل عشـان .. الإرتفـآع
..................واني على شان ارتفـع .. نزلـتِ لـك
وان ضيقتـي لابـد معهـا .. اتسـاع
..................وان اتساعي يْزيد .. كلْ ماضقـتِ لـك
كلْ ما افوق ..يموت في عيني .. شجاع
.................وكلْ ما اموت شوي قمت .. و فقتِ لـك
امتع خطايا حبـي ..لـك .. الاندفـاع
..................واخطى مُتَع حبك .. ليـا فضفـتِ لـك
رددت لك .. سافر وضيعنـي وضـاع
...................وانا اختنق بشويـش .. لا رددتِ لـك
ياللي ذبل تشرين .. من قلت : الـوداع
..................لا تْقول بعدين : انْ انا ما قلـتِ لـكـ
إما لجِـل اوصَلْـك .. بَعْمَـل اختـراع
..................والا لا عاد تسافر.. اذا احتجـتِ لـكـ